Charta qua Ansierius et Benigna dant monasterio Cluniacensi duas vineas in villa Domengo.
In Christi nomine. Ego Ansierius et Benigna donamus Sancto Petro in villa Domengo duas vineas; terminatur a mane terra Rainteu; hoc est quatuor raisas quas Anserius conquisivit in Domango, et hoc pro loco sepulturę meę; eo tenore ut, quandiu Anserius vixerit, teneat ac possideat; post ejus obitum ad predictum locum revertantur. S. Anserii et Benignę. S. Olgaudi. S. Otgis. S. Oterii. S. Vuiliberti. S. Frotaldii.