Comes Symon dedit Sancto Petro Cluniensi, in ęcclesia de Marmaessa et in medietate ipsius villę quicquid in dominicatu habebat. Dedit etiam ęcclesiam de Arco et in medietate ipsius villę quicquid in domi[ni]catu habebat. Sunt autem istę res sitę in episcopatu Linguonensi. Si quis hanc donationem calumpniare vel scindere aliquo ingenio vel alicujus mendatii falsitate conatus fuerit, omnibus maledictionibus que in novo vel in veteri Testamento scriptę vel nominate videntur subjaceat; et nisi ad emendationem venerit, omnibus christianis alienus sit. Huic donationi interfuit Pontius et alii multi.