Wuillelmus, rex Anglorum, Lanfranco archiepiscopo et Ottoni Bajocensi, salutem. Sciatis quia concedo ut Sanctus Petrus de Cluniaco habeat illam terram quam Willelmus de Warenna suaque femina ei tribuunt, scilicet Falemelam, et super hoc tantum unde habeant VI carrucas in dominium cum hominibus qui ad VI carrucatas terrę pertinent, tali pacto ut abbas predicti loci Willelmo suęque feminę faciat hoc quod eis propter hoc pepigit, et ego inde habeam quod ad me pertinet, scilicet meum wergeldum, nisi indulsero.