Æcclesie filiis notum sit cunctis, presentibus et futuris, quod ego Guido, cum uxore mea Maria, donamus Deo et sanctis apostolis ejus Petro et Paulo, quibus dedit Deus potestatem in cœlo et in terra ligandi et solvendi, pro remedio animarum nostrarum partem predii nostri, vineam scilicet noviter plantatam, et quod plantandum restat in villa quę nuncupatur Vinosa, presentibus testibus his: Bernardo Grosso cognomine, Grausfredo ejusdem uxoris meę fratre, Vuichardo de Graiso, Hugone de Bisca. Facta est autem hæc donatio anno ab incarnatione Domini M^o LX^o VIIII^o, indictione VII, regnante Philippo rege Francorum, IIII^o regni ejus anno, regnante Domino nostro Jesu Christo, cujus anni non deficient, cujus regni non finis erit.