Quicumque illius terrę vult heres effici de qua Psalmista dicit: «Credo videre bona Domini in terra viventium», hanc terram quam pedibus calcamus et quam vermes inhabitant, ne pigritet dare pro ipsa. Quod ego Ermengardis cupiens facere, dono ad locum Cluniacum unum mansum qui vocatur Enves, cum consensu mei mariti Walterii et filiorum meorum Wigonis et Stephani, et nepotis mei Rotlanni, pro redemptione peccatorum meorum et salute animę meę; in quo loco donnus Hugo abba magis prodesse quam preesse videtur. Si quis huic meę donationi aliquam calumpniam vel litem inferre temptaverit, iram Dei omnipotentis incurrat, nisi emendaverit.