In nomine Verbi incarnati. Noverint cuncti fideles sanctę Dei ęcclesię, quod ego Wandalmodis cum filio meo Wichardo dono Deo, et sanctis apostolis ejus Petro et Paulo et Cluniensi monasterio sub eorum honore consecrato, pro redemptione animę et corporis sepultura alterius filii mei Constantini, unam vineam cum adjacenti curtilo, in pago Matiscensi et in villa Bierias sitam; et terminatur a mane via publica, a certio terra Sancti Petri, a meridie et a sero de ipsa hereditate. S. Wandalmodis, quę fieri et firmare rogavit. S. Wichardi et Joceranni, filiorum ejus. S. Elisabet, sororis eorum. S. Bernardi. S. Berardi. S. Rannulfi. S. Tetelmi.