Divina providente clementia concessum est hominibus, ut ex rebus quas jure possident ęterna valeat merces adquiri. Quamobrem nos fratres Achardus, Walo et Leotaldus donamus Deo et sanctis apostolis ejus Petro et Paulo, ad locum Cluniacum, aliquid ex rebus nostris, pro anima fratris nostri Livonis, et in locum sepulturę, videlicet unum mansum in Monte, in pago Matisconense, una cum servo qui vocatur Restaldus, cum uxore sua et infantibus suis; et alium mansum in villa quę vocatur Nuyrolis, cum omnibus quę ad ipsos mansos pertinent, vineis, pratis, silvis, pascuis, campis, perviis et inviis. Et ut hęc nostrę donationis legatio firma et inconvulsa permaneat, cum stipulatione subnixa; et nos firmavimus et firmare rogavimus. Qui autem scindere voluerit, non vindicet quod repetit, sed coactus componat libram auri, et nisi emendaverit, maledictus sit. S. Walonis, Achardi et Leotaldi, qui fieri et firmare rogaverunt. S. Lantberti. S. Wacelmi. S. Ugonis. S. Aydoardi. S. Gausberti. S. Teogrini. S. Rodulfi. S. Joceranni. S. Bernardi.