In nomine Domini. Notum sit omnibus hominibus presentibus et futuris, quod Rodulfus, gratia Dei conpunctus, annuente uxore sua Eva et filiis suis Tetbaldo scilicet et Rotberto, Rodulfo, Widone, et Widrico, pro animę suę redemptione et animarum istorum et antecessorum eorum dedit Cluniacensi ęcclesię in honore beati Petri apostoli consecrate et domno Hugoni abbati ac Deo illic servientibus, ęcclesiam de Wascicorte, et decimam annonę videlicet et vini cęterarumque rerum illic pertinentium, et decimam telonii quod tenebat in portu Medantę.