Dignum est ut omnis homo misereatur proximo, quia hęc est magna dilectio et maxima karitas, quoniam caritas operit multitudinem peccatorum, apostolo dicente: «Qui non diligit proximum quem videt, Deum, quem non videt, quomodo potest diligere?» Hoc reminiscens ego Stephanus, dedi pro Wilenco milite, qui subitanea morte occubuit, unam vineam ita terminatam: duabus arboribus des le pomer jusc al perer; ita ut ipsi habeant fruges arborum et unam condiminam, ea conv[eni]entia ut ipse miles Wilencus particeps sit in omnibus beneficiis eorum, et ipsi Domini clementiam deprecentur pro ejus anima, ut Dominus eam in sinu Abrahe collocare dignetur. Amen, fiat.