Textus
|
PRIVILEGIUM PASCHALIS PAPÆ II. pro Abbatia Vizeliacensi, cujus omnia bona confirmat sub obedientia Abbatum Cluniacensium, quibus perpetuò ipse sicut & sui prædecessores vices suas committit quoad jurisdictionem Episcopalem in ipso Monasterio Vizeliacensi, & in Ecclesiis quæ sunt in adjacenti villa. |
Priuilegium Gerardi comitis, & Domnæ Bertæ vxoris suæ de Abbatia Verzeliacensi, & de multis locis in diuersis diœcesibus. |
LXXXIII. Ad Altardum abbatem Vizeliacensem. — Privilegium
Vizeliacense. |
|
PASCHALIS Episcopus, servus
servorum Dei, dilecto fratri Altardo Abbati Verzeliacensis Cœnobii,
[ 33/2 ]
ejusque legitimis successoribus in perpetuum. Quia documentis
Apostolicis regendus est ordo Ecclesiasticus oportet ut grex dominicus
impigro animo, assidua vigilantia custodiatur & gubernetur: ut autem
Prælatorum vigilantium nulla vox, nulla tenebrarum hora opprimat vel
confundat, charitas, quæ Deus est, quæ præter unum alterum nescit,
omnibus viribus tota mente diligenda est & tuenda; quoniam verò
nullis præcedentibus meritis, sed sola omnipotentis Dei gratia in
Ecclesia locum Petri obtinemus, necesse est ut omnibus superimpendamus
Ecclesiis, maximè his quæ juris beati Petri esse noscuntur, & quæ
affectu filiali invocant consilium & auxilium matris suæ. Quia igitur
dilectio fraternitatis vestræ postulavit privilegium Monasterio
Virziliaco fieri, cujus regimen authore Deo vobis commissum est, quod
fundatores ipsius Gerardus Comes vir nobilissimus, & uxor ejus Berta,
pia devotione & testamenti confirmatione beato Petro Apostolorum
Principi obtulerunt, nos precibus vestris assensum præbentes
authoritate Apostolica per præsens privilegium confirmamus atque
statuimus, ut nulli Imperatorum, nulli unquam Regum, nulli Comitum,
nulli Antistitum, nulli cuiquam alii de rebus quæ jam dicto Monasterio
à prædictis fundatoribus vel ab aliis Deum timentibus, oblatæ vel
concessæ sunt, vel deinceps conferendæ, sub qualibet occasionis specie
liceat minuere, vel auferre, vel ablatas retinere. Inter quæ nominatim
eidem Monasterio confirmamus: in Episcopatu Eduensi Ecclesiam sancti
Petri juxta fluvium Chore sitam, Varginiacum villam cum omnibus
appendiciis suis, & Ecclesia sancti Sulpitii. Dorneciacum villam cum
universis adjacentiis, & Ecclesia sancti Petri. Flaiacum villam cum
Ecclesia sancti Symphoriani & omnibus eorum appendiciis. Ecclesiam
sancti Sulpitii de Asinariis. Ecclesiam sancti Germani de Fontiniaco.
Ecclesiam sancti Petri de Blanniaco. Ecclesiam sancti Georgii de
Insula. Ecclesiam sancti Syagrii de Flagiaco cum omnibus earum
pertinentiis, Villam sancti Leodegarii de Morvenno cum Ecclesia
ejusdem Martyris & universis eorum adjacentiis. In eodem territorio
Ecclesiam sancti Andocii. In Episcopatu Antissidorensi Ecclesiam
sancti Adriani de Maliaco villa cum capellis in eadem Parrochia sitis.
In Episcopatu Nivernensi Ecclesiam sancti Petri de Longiaco, Ecclesiam
sancti Silvestri de Varenniis, Ecclesiam sancti Martini de Tauriaco,
Ecclesiam sancti Petri de Luperciaco villa. In Episcopatu Matisconensi
Ecclesiam sanctæ Mariæ de Coblenis. In Episcopatu Arvernensi Ecclesiam
sancti Germani, Ecclesiam sancti Cypriani, Ecclesiam sancti Leodegarii
de Vendac, Ecclesiam sanctæ Mariæ Magdalenæ de Claromonte cum
universis earum appendiciis. In Archiepiscopatu Bituricensi Ecclesiam
sancti Andreæ de Taciaco; Ecclesiam sanctæ Mariæ Magdalenæ de Rufiaco,
Ecclesiam sancti Sulpitii de Salzelis cum omnibus easdem
pertinentibus. In Episcopatu Pictaviensi Ecclesiam Dei dilectricis
sanctæ Mariæ Magdalenæ juxta Mirebellum castrum. Ex altera parte
ejusdem castri Ecclesiam sanctæ Radegundis de Burgonnio. In territorio
Toarcensi Ecclesiam sancti Germani & Ecclesiam sanctæ Mariæ de
Spisis. In Episcopatu Sanctonensi Ecclesiam sanctæ Mariæ Magdalenæ de
Ferrariis. In Archiepiscopatu Sevonensi Ecclesiam sanctæ Mariæ de
Villari Monasterio, Ecclesiam castri Fliscardi, Ecclesias castri
Moreti & Ecclesiam Senardi villæ cum omnibus earum appendiciis. In
Episcopatu Belvacensi Ecclesias Bublis castri, Ecclesiam sancti
Remigii, Ecclesiam sanctæ Mariæ Magdalenæ de Merloto, & Ecclesias
Borinellis villæ cum omnibus earum pertinentiis. In Episcopatu
Noviomensi, in castro quod Ham vocatur, Ecclesiam sanctæ Mariæ
Magdalenæ. In villari Sylva Ecclesias ejusdem Dei dilectricis
[ 34/1 ]
cum
universis earum appendiciis. In eadem Diœcesi Ecclesias de Ingulos.
Præterea statuimus, ut consecratio Monasterij ipsius, & Ecclesiarum
quæ sunt in circumadjacenti villa, ordinationis quoque Monachorum &
Clericorum, consilio Abbatum Cluniacensium, quibus prædecessores
nostri & vos perpetualiter concessimus vices nostras in jam dicto
Monasterio, ibidem fiant, aut ubi ipsi Abbates maluerint. Chrisma
quoque & oleum sanctum à quo maluerint Catholico Episcopo accipiant.
Ecclesiæ verò ejusdem Monasterij per diverversas Provincias
constitutæ, & earum Altaria ab Episcopis, in quorum Diœcesi sunt,
consecrentur. Sacerdotes etiam & Clerici ordinentur, & ab eis
chrisma & oleum sanctum accipiant, si gratiam Romanæ Sedis habuerint,
& gratis ac sine pravitate aliqua dare voluerint; sin aliàs à quo
maluerint Catholico Episcopo accipiant. Obeunte te ejusdem loci
Abbate, vel quocunque successorum tuorum nullus ibi eligatur violentia
vel aliqua subreptionis astutia, sed quem fratres communi consensu,
vel pars fratrum sanioris Concilii, prædictorum Cluniacensium Abbatum
præcepto secundùm regulam beati Benedicti elegerint. Electus verò, aut
à Romano Pontifice, aut eorumdem Abbatum consilio consecretur. Ipsius
autem Diœcesis Episcopo, nisi ab Abbate ipsius Monasterij invitatus
fuerit, stationes agere publicas, aut privatas Missas celebrare in
eodem Monasterio non licet. Donationem quoque vel subjectionem seu
potestatem interdicendi in eodem Cœnobio, & circumadjacenti villa
nullam habeat. Decrevimus etiam ut nulli omnino hominum liceat
Cœnobium ipsum perturbare vel inquietare, seu vexationibus servos Dei
fatigare, vel ejus possessiones auferre vel minuere, sed omnia in
integrum conserventur eorum usibus, pro quorum sustentatione &
gubernatione eidem Monasterio sunt concessa. Ad indicium quoque hujus
libertatis Apostolicæ Sedi, cujus juris esse dignoscitur libram
argenti per singulos annos persolvat. Si quis autem sciens contra
hujus nostri decreti paginam agere tentaverit, secundo vel tertio
admonitus, nisi resipuerit, à sacratissimo Corpore & Sanguine Domini
nostri Jesu Christi alienus fiat. Qui verò observator fuerit,
sanctorum Apostolorum Petri & Pauli benedictionem percipiat, & in
futuro Sanctorum consortio perfrui mereatur. Omnipotens Deus, qui est
vera salus & vera custodia, te & congregationem tibi creditam
protegat & defendat, & per intercessionem beatæ Mariæ Magdalenæ, quæ
cum fonte lachrymarum ad fontem misericordiæ Christum pervenit ad
finem qui non finitur, pervenire concedat. Ego Paschalis Catholicæ Ecclesiæ Episcopus. Datum Beneventi per manus Galteri Romanæ Ecclesiæ Diaconi Cardinalis, anno Dominicæ Incarnationis M.C.III. mense Novembri, indictione XI. Pontificatus ejusdem secundi Paschalis Papæ, anno quarto. |
PASCHALIS Episcopus, servus
servorum Dei, dilecto fratri Altardo Abbati Verzeliacensis Cœnobii,
ejusque legitimis successoribus in perpetuum. Quia documentis
Apostolicis regendus est ordo Ecclesiasticus oportet ut grex dominicus
impigro animo, assidua vigilantia custodiatur & gubernetur: ut autem
Prælatorum vigilantium nulla vox, nulla tenebrarum hora opprimat vel
confundat, charitas, quæ Deus est, quæ præter unum alterum nescit,
omnibus viribus tota mente diligenda est & tuenda; quoniam verò
nullis præcedentibus meritis, sed sola omnipotentis Dei gratia in
Ecclesia locum Petri obtinemus, necesse est ut omnibus superimpendamus
Ecclesiis, maximè his quæ juris beati Petri esse noscuntur, & quæ
affectu filiali invocant consilium & auxilium matris suæ. Quia igitur
dilectio fraternitatis vestræ postulavit privilegium Monasterio
Virziliaco fieri, cujus regimen authore Deo vobis commissum est, quod
fundatores ipsius Gerardus Comes vir
[ 134 ]
nobilissimus, & uxor ejus Berta,
pia devotione & testamenti confirmatione beato Petro Apostolorum
Principi obtulerunt, nos precibus vestris assensum præbentes
authoritate Apostolica per præsens privilegium confirmamus atque
statuimus, ut nulli Imperatorum, nulli unquam Regum, nulli Comitum,
nulli Antistitum, nulli cuiquam alii de rebus quæ jam dicto Monasterio
à prædictis fundatoribus vel ab aliis Deum timentibus, oblatæ vel
concessæ sunt, vel deinceps conferendæ, sub qualibet occasionis specie
liceat minuere, vel auferre, vel ablatas retinere. Inter quæ nominatim
eidem Monasterio confirmamus: in Episcopatu Eduensi Ecclesiam sancti
Petri juxta fluvium Chore sitam, Varginiacum villam cum omnibus
appendiciis suis, & Ecclesia sancti Sulpitii. Dorneciacum villam cum
universis adjacentiis, & Ecclesia sancti Petri. Flaiacum villam cum
Ecclesia sancti Symphoriani & omnibus eorum appendiciis. Ecclesiam
sancti Sulpitii de Asinariis. Ecclesiam sancti Germani de Fontiniaco.
Ecclesiam sancti Petri de Blanniaco. Ecclesiam sancti Georgii de
Insula. Ecclesiam sancti Syagrii de Flagiaco cum omnibus earum
pertinentiis, Villam sancti Leodegarii de Morvenno cum Ecclesia
ejusdem Martyris & universis eorum adjacentiis. In eodem territorio
Ecclesiam sancti Andocii. In Episcopatu Antissidorensi Ecclesiam
sancti Adriani de Maliaco villa cum capellis in eadem Parrochia sitis.
In Episcopatu Nivernensi Ecclesiam sancti Petri de Longiaco, Ecclesiam
sancti Silvestri de Varenniis, Ecclesiam sancti Martini de Tauriaco,
Ecclesiam sancti Petri de Luperciaco villa. In Episcopatu Matisconensi
Ecclesiam sanctæ Mariæ de Coblenis. In Episcopatu Arvernensi Ecclesiam
sancti Germani, Ecclesiam sancti Cypriani, Ecclesiam sancti Leodegarii
de Vendac, Ecclesiam sanctæ Mariæ Magdalenæ de Claromonte cum
universis earum appendiciis. In Archiepiscopatu Bituricensi Ecclesiam
sancti Andreæ de Taciaco; Ecclesiam sanctæ Mariæ Magdalenæ de Rufiaco,
Ecclesiam sancti Sulpitii de Salzelis cum omnibus easdem
pertinentibus. In Episcopatu Pictaviensi Ecclesiam Dei dilectricis
sanctæ Mariæ Magdalenæ juxta Mirebellum castrum. Ex altera parte
ejusdem castri Ecclesiam sanctæ Radegundis de Burgonnio. In territorio
Toarcensi Ecclesiam sancti Germani & Ecclesiam sanctæ Mariæ de
Spisis. In Episcopatu Sanctonensi Ecclesiam sanctæ Mariæ Magdalenæ de
Ferrariis. In Archiepiscopatu Sevonensi Ecclesiam sanctæ Mariæ de
Villari Monasterio, Ecclesiam castri Fliscardi, Ecclesias castri
Moreti & Ecclesiam Senardi villæ cum omnibus earum appendiciis. In
Episcopatu Belvacensi Ecclesias Bublis castri, Ecclesiam sancti
Remigii, Ecclesiam sanctæ Mariæ Magdalenæ de Merloto, & Ecclesias
Borinellis villæ cum omnibus earum pertinentiis. In Episcopatu
Noviomensi, in castro quod Ham vocatur, Ecclesiam sanctæ Mariæ
Magdalenæ. In villari Sylva Ecclesias ejusdem Dei dilectricis
cum
universis earum appendiciis. In eadem Diœcesi Ecclesias de Ingulos.
Præterea statuimus, ut consecratio Monasterij ipsius, & Ecclesiarum
quæ sunt in circumadjacenti villa, ordinationis quoque Monachorum &
Clericorum, consilio Abbatum Cluniacensium, quibus prædecessores
nostri & vos perpetualiter concessimus vices nostras in jam dicto
Monasterio, ibidem fiant, aut ubi ipsi Abbates maluerint. Chrisma
quoque & oleum sanctum à quo maluerint Catholico Episcopo accipiant.
Ecclesiæ verò ejusdem Monasterij per diverversas Provincias
constitutæ, & earum Altaria ab Episcopis, in quorum Diœcesi sunt,
consecrentur. Sacerdotes etiam & Clerici ordinentur, & ab eis
chrisma & oleum sanctum accipiant, si gratiam Romanæ Sedis habuerint,
& gratis ac sine pravitate aliqua dare voluerint; sin aliàs à quo
maluerint Catholico Episcopo accipiant. Obeunte te ejusdem loci
Abbate, vel quocunque
[ 135 ]
successorum tuorum nullus ibi eligatur violentia
vel aliqua subreptionis astutia, sed quem fratres communi consensu,
vel pars fratrum sanioris Concilii, prædictorum Cluniacensium Abbatum
præcepto secundùm regulam beati Benedicti elegerint. Electus verò, aut
à Romano Pontifice, aut eorumdem Abbatum consilio consecretur. Ipsius
autem Diœcesis Episcopo, nisi ab Abbate ipsius Monasterij invitatus
fuerit, stationes agere publicas, aut privatas Missas celebrare in
eodem Monasterio non licet. Donationem quoque vel subjectionem seu
potestatem interdicendi in eodem Cœnobio, & circumadjacenti villa
nullam habeat. Decrevimus etiam ut nulli omnino hominum liceat
Cœnobium ipsum perturbare vel inquietare, seu vexationibus servos Dei
fatigare, vel ejus possessiones auferre vel minuere, sed omnia in
integrum conserventur eorum usibus, pro quorum sustentatione &
gubernatione eidem Monasterio sunt concessa. Ad indicium quoque hujus
libertatis Apostolicæ Sedi, cujus juris esse dignoscitur libram
argenti per singulos annos persolvat. Si quis autem sciens contra
hujus nostri decreti paginam agere tentaverit, secundo vel tertio
admonitus, nisi resipuerit, à sacratissimo Corpore & Sanguine Domini
nostri Jesu Christi alienus fiat. Qui verò observator fuerit,
sanctorum Apostolorum Petri & Pauli benedictionem percipiat, & in
futuro Sanctorum consortio perfrui mereatur. Omnipotens Deus, qui est
vera salus & vera custodia, te & congregationem tibi creditam
protegat & defendat, & per intercessionem beatæ Mariæ Magdalenæ, quæ
cum fonte lachrymarum ad fontem misericordiæ Christum pervenit ad
finem qui non finitur, pervenire concedat. Ego Paschalis Catholicæ Ecclesiæ Episcopus ss. (Monogramme) [Rota - Bene valete] Datum Beneventi per manus Galteri Romanæ Ecclesiæ Diaconi Cardinalis, anno Dominicæ Incarnationis M.C.III. mense Novembri, indictione XI. Pontificatus ejusdem secundi Paschalis Papæ, anno quarto. |
PASCHALIS episcopus, servus servorum Dei, dilecto fratri ALTARDO
abbati Vizeliacensis cœnobii, eiusque
[ 102C ]
legitimis successoribus in
perpetuum.
Quia documentis apostolicis regendus est ordo ecclesiasticus, oportet ut grex Dominicus impigro animo, assidua vigilantia custodiatur et gubernetur. Ut autem prælatorum vigilantiam nulla nox, nulla tenebrarum hora opprimat vel confundat, charitas, quæ Deus est, quæ præter unum, alterum nescit, omnibus viribus tota mente diligenda et tenenda. Quoniam vero nullis præcedentibus meritis, sed sola omnipotentis Dei gratia, in Ecclesia locum Petri obtinemus, necesse est ut omnibus superimpendamur Ecclesiis, maxime his quæ iuris B. Petri esse noscuntur, et quæ affectu filiali invocant consilium et auxilium matris suæ. [ 102D ] Quia igitur dilectio fraternitatis vestræ postulavit privilegium monasterio Vizeliaco fieri, cuius regimen auctore Deo vobis commissum est, quod fundatores ipsius Gerardus comes vir nobilissimus, et uxor eius Berta, pia devotione et testamenti confirmatione B. Petro apostolorum principi obtulerunt, nos precibus vestris assensum præbentes, auctoritate apostolica per præsens privilegium confirmamus atque statuimus ut nulli imperatorum, nulli unquam regum, nulli comitum, nulli antistitum, nulli cuiquam alii de rebus quæ iam dicto monasterio a prædictis fundatoribus, vel ab aliis Deum timentibus oblatæ vel concessæ sunt, vel deinceps conferendæ, sub qualibet. occasionis specie liceat minuere, vel auferre, vel ablatas retinere. [ 103A ] Inter quæ nominatim eidem monasterio confirmamus, in episcopatu Eduensi ecclesiam Sancti Petri, etc. (Hic enumerantur omnes.) Præterea statuimus ut consecratio monasterii ipsius, et ecclesiarum quæ sunt in circumadiacenti villa, ordinationes quoque monachorum et clericorum, consilio abbatum Cluniacensium, quibus prædecessores nostri et nos perpetualiter concessimus vices nostras in iam dicto monasterio, ibidem fiant, aut ubi ipsi abbates maluerint. Chrisma quoque et oleum sanctum a quo maluerint catholico episcopo accipiant; Ecclesiæ vero eiusdem monasterii per diversas provincias constitutæ, et earum altaria, ab episcopis in quorum diœcesi sunt, consecrentur. [ 103B ] Sacerdotes etiam et clerici ordinentur, et ab eis chrisma et oleum sanctum accipiant, si gratiam Romanæ sedis habuerint, et gratis ac sine pravitate aliqua dare voluerint; sin alias, a quo maluerint catholico episcopo accipiant. Obeunte eiusdem loci abbate, vel quocunque successorum tuorum, nullus ibi eligatur violentia vel aliqua subreptionis astutia, sed quem fratres communi consensu, vel pars fratrum sanioris consilii, prædictorum Cluniacensium abbatum præcepto, secundum Regulam B. Benedicti elegerint. Electus vero, aut a Romano pontifice aut eorumdem abbatum consilio consecretur. [ 103C ] Ipsius autem diœcesis episcopo, nisi ab abbate ipsius monasterii invitatus fuerit, stationes agere publicas, aut privatas missas celebrare in eodem monasterio haud liceat. Donationem quoque, vel subiectionem, seu potestatem interdicendi in eodem cœnobio et circumadiacenti villa nullam habeat. Decrevimus etiam ut nulli omnino hominum liceat cœnobium ipsum perturbare, vel inquietare, seu vexationibus servos Dei fatigare, vel eius possessiones auferre vel minuere, sed omnia in integrum conserventur eorum usibus pro quorum sustentatione et gubernatione eidem monasterio sunt concessa. Ad indicium quoque huius libertatis, apostolicæ sedi, cuius iuris esse dignoscitur, libram argenti per singulos annos persolvat. Si quis autem sciens, contra huius nostri decreti paginam agere tentaverit, secundo vel tertio admonitus, nisi resipuerit, a sacratissimo corpore et sanguine Domini nostri Iesu Christi alienus fiat. [ 103D ] Qui vero observator exstiterit, sanctorum apostolorum Petri et Pauli benedictionem percipiat, et in futuro sanctorum consortio perfrui mereatur. Omnipotens Deus, qui est vera salus et vera custodia, te et congregationem tibi creditam protegat et defendat, et per intercessionem B. Mariæ Magdalenæ, quæ cum fonte lacrymarum ad fontem misericordiæ Christum pervenit. ad finem qui non finitur pervenire concedat. Ego Paschalis catholicæ Ecclesiæ episcopus subscripsi. [ 104A ] Datum Beneventi per manus Galteri Romanæ Ecclesiæ diaconi cardinalis, anno Dominicæ Incarnationis 1103 [ 1102 ], mense Novemb., indictione [ 104A ] XI pontificatus eiusdem secundi Paschalis papæ anno IV. |
| Bullarium Cluniacense | Index paginarum | Index chronologicus Privilegiorum | Quaestio | Explicatio |
E-Mail an das Projekt "Cluny" im Institut für Frühmittelalterforschung
|
KONTAKT
Institut für Frühmittelalterforschung
|
| |
|
© 2010 Institut für Frühmittelalterforschung | ||
