Textus
RESCRIPTUM CELESTINI PAPÆ III. ad Archiepiscopum Senonensem & Abbatem sanctæ Columbæ, ut faciant restitui Prioratui de Charitate domum suam de Colengiis. |
CCLXXV. [Michæli], archiepiscopo Senonensi, et abbati Sanctæ
Columbæ mandat, cogant comitem Nivernensem ut domum de Colenges
prioratui de Charitate restituat. (Laterani, Aug. 6.) |
CELESTINUS Episcopus, servus servorum Dei, venerabili
fratri Senonensi Archiepiscopo,
[ 96/1 ]
& dilecto filio Abbati sanctæ Columbæ
in Senonensi Dicesi constituto, salutem & Apostolicam benedictionem.
Ex insinuatione dilectorum filiorum Abbatis & Conventus Cluniacensis
nos accepisse noveritis, quod cum Prioratus eorum de Charitate tempore
quo carissimus in Christo filius noster Philippus illustris Francorum
Rex Hierosolymam profectus est, in pnitentia & peccatis habitantium
exigentibus nimio fuisset debitorum onere gravatus, & Petrus de
Croyon serviens nobilis viri Comitis Nivernensis nimium ipsos
affligeret & gravaret, Prior & fratres ejusdem loci domum de
Colenges ad ipsum Priorem spectantem, pro tredecim mille solidis
inveniendis ipsi Priori venditioni exponere sunt coacti: unde
Prioratus de Charitate damnificatus est plurimum & gravatus. Et licet
ipse Comes ad instantiam prædicti Abbatis Cluniacensis postmodum in
præsentia venerabilis fratris nostri W. Rhemensis Archiepiscopi sanctæ
Sabinæ Cardinalis, Apostolicæ Sedis Legati, tunc curam &
sollicitudinem Regni Franciæ, simul cum charissima in Christo filia
nostra illustri Regina Francorum matre Regis ipsius gerentis, tactis
sacrosanctis Evangeliis juramento firmavit, quod Priori & fratribus
de Charitate reipsa pecunia sua domum prætaxatam cum omnibus
pertinentiis redderet pacificè possidendam, numquam postmodum quamvis
ipsi fratres, ut dicitur, pecuniam illam ei vellent restituere, illud
quod juraverat voluit adimplere. Cum igitur cura & sollicitudo omnium
Ecclesiarum sit nobis commissa, volentes indemnitati ipsius Prioratus
de Charitate, prout debemus, paterno affectu sollicitè providere
discretioni vestræ per Apostolica scripta mandamus firmiter
injungentes, quatinus supra dictum Comitem Nivernensem qui eamdem
domum de Colenges servientis nomine, sicut dicitur, occupavit, & in
proprios usus convertit, ut ipsum servientem, si prædicta domus ei
fuit restituta, auctoritate nostra monere & inducere efficaciter
laboretis, ut domum ipsam Prioratui supradicto, recepta ab ipsis
pecunia, restituta sine difficultate qualibet restituere non omittat:
& si quid in ipsa domo ab ipso Comite vel prædicto serviente
superædificatum est non computetur ipsis fratribus, sed de redditibus
domus ipsius receptis illud fiat. Si non idem Comes aut ipse serviens
duxerit restituendum, vos nostra freti auctoritate tam ipsum Comitem
quàm quoslibet alios domum ipsam tenentes, ad eamdem domum cum
pertinentiis præfatis fratribus per excommunicationis & interdicti
sententias, sublato contradictionis & appellationis obstaculo,
compellatis, facientes utramque sententiam usque ad condignam
satisfactionem inviolabiliter observari nullis litteris obstantibus à
Sede Apostolica impetratis. Quod si ambo eis exequendis nequiveritis
interesse, tu frater Archiepiscope ea nihilominus exequaris. Datum Laterani VIII. Idus Augusti. Pontificatus nostri, anno sexto. |
CLESTINUS episcopus, servus servorum Dei, venerabili fratri
Senonensi archiepiscopo, et dilecto filio abbati Sanctæ Columbæ
in Senonensi dicesi constituto, salutem et apostolicam
benedictionem. Ex insinuatione dilectorum filiorum abbatis et conventus Cluniacensis nos accepisse noveritis, quod cum prioratus eorum de Charitate tempore quo charissimus in Christo filius noster Philippus illustris Francorum rex Hierosolymam profectus est, in pnitentia [ 1180B ] et peccatis habitantium exigentibus, nimio fuisset debitorum onere gravatus, et Petrus de Croyon serviens nobilis viri comitis Nivernensis, nimium ipsos affligeret et gravaret, prior et fratres ejusdem loci domum de Colenges ad ipsum priorem spectantem, pro tredecim mille solidis inveniendis ipsi priori venditioni exponere sunt coacti; unde prioratus de Charitate damnificatus est plurimum et gravatus. Et licet ipse comes ad instantiam prædicti abbatis Cluniacensis postmodum in præsentia venerabilis fratris nostri W. Remensis archiepiscopi Sanctæ Sabinæ cardinalis, apostolicæ sedis legati, tunc curam et sollicitudinem regni Franciæ, simul cum charissima in Christo filia nostra illustri regina Francorum, matre regis ipsius gerentis, tactis sacrosanctis [ 1180C ] Evangeliis juramento firmavit, quod priori et fratribus de Charitate reipsa pecunia sua domum prætaxatam cum omnibus pertinentiis redderet pacifice possidendam, nunquam postmodum, quamvis ipsi fratres, ut dicitur, pecuniam illam ei vellent restituere, illud quod juraverat voluit adimplere. Cum igitur cura et sollicitudo omnium ecclesiarum sit nobis commissa, volentes indemnitati ipsius prioratus de Charitate, prout debemus paterno affectu sollicito providere, discretioni vestræ per apostolica scripta mandamus firmiter injungentes, quatenus supradictum comitem Nivernensem qui eamdem domum de Cobenges servientis nomine, sicut dicitur, occupavit, et in proprios usus convertit, [ 1180D ] ut ipsum servientem, si prædicta domus ei fuit restituta, auctoritate nostra monere et inducere efficaciter laboretis, ut domum ipsam prioratui supradicto, recepta ab ipsis pecunia restituta, sine difficultate qualibet restituere non omittat: et si quid in ipsa domo ab ipso comite vel prædicto serviente superædificatum est non computetur ipsis fratribus, sed de redditibus domus receptis illud fiat. Si non idem comes aut ipse serviens duxerit restituendum, vos nostra freti auctoritate tam ipsum comitem quam quoslibet alios domum ipsam tenentes, ad eamdem domum cum pertinentiis præfatis fratribus per excommunicationis et interdicti sententias, sublato contradictionis et appellationis obstaculo, compellatis, [ 1181A ] facientes utramque sententiam usque ad condignam satisfactionem inviolabiliter observari, nullis litteris obstantibus a sede apostolica impetratis. Quod si ambo eis exsequendis nequiveritis interesse, tu frater archiepiscope, ea nihilominus exsequaris. Datum Laterani, VIII Idus Augusti, pontificatus nostri anno sexto. |
Bullarium Cluniacense | Index paginarum | Index chronologicus Privilegiorum | Quaestio | Explicatio |
E-Mail an das Projekt "Cluny" im Institut für Frühmittelalterforschung
KONTAKT
Institut für Frühmittelalterforschung
| ||
© 2010 Institut für Frühmittelalterforschung |