Textus
|
PRIVILEGIUM ALEXANDRI PAPÆ III. ad Theobaldum Abbatem Clun. per quod confirmat compositionem factam inter eum & Comitem Cabilonensem, super exactionibus quas exercebat in homines & terras Ecclesiæ Clun. maximè verò de Paredo. Et similiter inter Cluniacenses & Gerardum Comitem Matisconensem. |
MDVI. Ad Theobaldum Cluniacensem abbatem. — Compositiones ipsius
factas cum Guillelmo comite Cabilonensi et cum Girardo comite
Matisconensi scripto Philippi regis Francorum munitas confirmat.
|
| ALEXANDER Episcopus, servus servorum Dei dilectis filiis Theobaldo Abbati & Capitulo Clun. salutem & Apostolicam benedictionem. Cum Ecclesia vestra nobis sit nullo mediante subjecta, ejus & vestræ volumus, ut tenemur paci prospicere; & ne possitis imposterum malitiosa quorumlibet vexatione graviori sollicitè providere. Inde est quod, cum inter vos & nobilem virum Comitem Cabilonensem super querelis omnibus, quas adversus eum habeatis, & super exactionibus, quas exercebat in homines & terras ejusdem Ecclesiæ, coram carissimo in Christo filio nostro Philippo illustri Francorum Rege amicabilis compositio facta sit, & ejusdem Regis scripto authentico [ 76/2 ] roborata: Nos postulationibus vestris inducti, & officii nostri debito provocati, compositionem ipsam, sicut inter vos & eumdem Comitem super his facta est, & in scripto ipsius Regis authentico continetur, ratam habemus, eamque auctoritate Apostolica confirmamus. Nihilominus etiam compositionem illam, quam cum nobili viro Comite Girardo super exactionibus, quibus terram vestram & homines opprimebat, de libera voluntate fecistis, sicut est scripto ipsius Comitis roborata, futuris temporibus manere decernimus illibatam. Nulli ergo, &c. Datum Tusculi, V. Idus Februarii. |
Alexander
episcopus, servus servorum Dei, dilectis filiis
Theobaldo abbati et
capitulo Cluniacensi, salutem et apostolicam benedictionem. Cum Ecclesia vestra nobis sit nullo mediante subjecta, [ 1297C ] ejus et vestræ volumus, ut tenemur, paci prospicere, et ne possitis in posterum malitiosa quorumlibet vexatione gravari sollicite providere. Inde est quod, cum inter vos et nobilem virum comitem Cabilonensem super querelis omnibus quas adversus eum habebatis, et super exactionibus quas exercebat in homines et terras ejusdem ecclesiæ coram charissimo in Christo filio nostro Philippo, illustri Francorum rege, amicabilis compositio facta sit, et ejusdem regis authentico continetur, ratam habemus, eamque auctoritate apostolica confirmamus. Nihilominus etiam compositionem illam quam cum nobili viro comite Gerardo super exactionibus quibus terram vestram et homines opprimebat, de libera voluntate fecistis, sicut est in scripto ipsius [ 1297D ] comitis roborata, futuris temporibus manere decernimus illibatam. Nulli ergo omnino hominum liceat hanc paginam nostræ confirmationis infringere, aut ei ausu temerario contraire. Si quis autem hoc attentare [ 1298A ] præsumpserit, indignationem omnipotentis Dei et beatorum Petri et Pauli apostolorum ejus se noverit incursurum. Datum Tusculi, V Idus Februarii. |
| Bullarium Cluniacense | Index paginarum | Index chronologicus Privilegiorum | Quaestio | Explicatio |
E-Mail an das Projekt "Cluny" im Institut für Frühmittelalterforschung
|
KONTAKT
Institut für Frühmittelalterforschung
|
| |
|
© 2010 Institut für Frühmittelalterforschung | ||
