Textus
|
PRIVILEGIUM INNOCENTII PAPÆ II. ad Petrum Venerabilem de Monasterio sanctorum Facundi & Primitivi in Hispania, quod subsit Cluniacensibus Abbatibus. |
Confirmatio SS. Facundi & Primitiani in Hispania.
|
CXXIV. Ad Petrum Venerabilem Cluniacensem abbatem. — SS. Facundi et
Primitivi in Hispania cœnobium conceditur. |
|
INNOCENTIUS Episcopus, servus servorum Dei, dilecto filio
Petro Cluniacensi Abbati, ejusque successoribus regulariter
substituendis in perpetuum. Ignem venit Dominus mittere in terram, &
vult ut ardeat: quia ergo gratuita Dei beneficentia sacrum Cluniacense
Collegium suę visitationis gratia illustravit, ignem in eo charitatis
accendit, & discreta religionis humilitate perfudit: æquissimi juris
est, ut quod gratis accipit, fratribus indigentibus devotè impendat,
lapsos relevet, tepidos excitet, & piæ religionis radios, & benè Deo
placentis conversationis odorem, diversas mundi illustrando
Provincias, longè latéque transfundat, & sic amor ac gloria divini
cultus, quæ copiosè (Deo gratias) vigent in vite, per vestram
administrationem Deo grata & fœcunda ubertate multiplicentur in
propagine. Monasterium ergo sanctorum Martyrum Facundi & Primitivi,
quod in Hispaniarum partibus situm est, & adjus beati Petri constat
specialiter pertinere; quia à religionis nitore, & temporalium rerum
opulentia, quibus pristinis temporibus effloruerat, unde valde
dolemus, peccatis exigentibus excidit, nos, quorum præcipuè interest
in antiquum religionis & dignitatis statum loca venerabilia revocare,
illustris filii nostri Aldefonsi Hispaniarum Regis vota clementius
admittentes, vestris postulationibus impertimur assensum. Igitur locum
ipsum cum suis omnibus pertinentiis tibi, dilecte in Domino fili Petre
Abbas, tuisque successoribus, salvo nimirum beati Petri censu annuo,
& sanctæ Romanæ Ecclesiæ in omnibus debita justitia & reverentia, ad
reformationem religionis, & rerum temporalium incrementum, ex
Apostolicæ Sedis benignitate committimus. Vestra itaque, carissimi
filii, interest ut ope, & consilio, vestraque instantia religio in
eodem Monasterio reformetur, & tam in interioribus quàm in
exterioribus locus ipse ad statum & dignitatem pristinam auxiliante
Domino reducatur. Ego INNOCENTIUS Catholicæ Ecclesiæ Episcopus. Ego Guillelmus Prænestinus Episcopus. [ 49/1 ] Ego Urbanus Presbyter Cardinalis tit. sancti Clementis. Ego Anselmus Presbyter Cardinalis. Ego Lucas Presbyter Cardinalis tit. sanctorum Joannis & Pauli. Ego Guido Diaconus Cardinalis sanctæ Mariæ in via-lata. Ego Oddo Diaconus Cardinalis sancti Georgii ad velum aureum. Datum Bononiæ per manum Aymerici sanctæ Romanæ Ecclesiæ Diaconi Cardinalis & Cancellarii, Idibus Decembris, indictione X. Incarnationis Dominicæ, anno M. C. XXXIII. Pontificatus Domni Innocentii Papæ secundi anno III. |
Innocentius Episcopus seruus seruorum Dei dilecto filio
Petro Cluniacensi
Abbati, eiusque successoribus regulariter substituendis in perpetuum. Ignē
venit Dominus mittere in terram, & vult vt ardeat. Quia ergo gratuita Dei
beneficentia sacrū Cluniacense Collegiū suæ visitationis gratia
illustrauit, ignem in eo caritatis accendit, & discreta religionis humilitate
perfudit: æquissimi iuris est, vt quod gratis accipit, fratribus indigētib,
deuote impendat, lapsos releuet, tepidos excitet,
[ 1397 ] & piæ religionis
radios, & bene Deo placentis conuersationis odorem, diuersas mundi illustrando
Prouincias, longe lateque transfundat, & sit amor ac gloria diuini cultus, quæ
copiose, Deo gratias, vigent in vite, per vestram administrationem Deo grata &
fœcunda vbertate multiplicentur in propagine. Monasterium ergo SS. Martyrum Facundi
& Primitiui, quod in Hispaniarum partibus situm est, & ad ius beati Petri
constat specialiter pertinere, quia a religionis nitore, & temporalium rerum
opulentia, quibus pristinis temporibus effloruerat, vnde valde dolemus, peccatis
exigentibus excidit, nos, quorum præcipue interest, in antiquum religionis &
dignitatis statum loca venerabilia reuocare, illustris filij nostri Aldefonsi
Hispaniarum Regis vota clementius admittentes, vestris postulationibus impertimur
assensum. Igitur locum ipsum cum suis omnibus pertinentiis tibi, dilecte in Domino
fili
Petre Abbas, tuisque successoribus, saluo nimirum beati Petri censu annuo,
& sanctæ Romanæ Ecclesiæ in omnibus debita iustitia & reuerentia, ad
reformationem religionis, & rerum temporalium incrementum, ex Apostolicæ Sedis
benignitate committimus. Vestra itaque, carissimi filij, interest, vt ope, &
consilio, vestraque instantia religio in eodem Monasterio reformetur, & tam in
interioribus quam in exterioribus locus ipse ad statum & dignitatem pristinam
auxiliante Domino reducatur.
Ego Innocentius Catholicæ Ecclesiæ Episcopus ff. (Monogramme) [Rota - Bene valete] Ego Guillelmus Prænestinus Episcopus ff. Ego Vrbanus Presbyter Cardin. tit. S. Clementis ff. Ego Anselmus Presbyter Cardinalis ff. Ego Lucas Presbyter Cardin. tit. SS. Ioannis & Pauli ff. Ego Guido Diaconus Card. S. Mariæ in via lata ff. Ego Oddo Diaconus Cardin. S. Georgij ad velum aureum ff. Datum Bononiæ per manum Aymerici S. R. E. Diaconi Cardin. & Cancellarij, Id. Decembris, Indict. x. Incarn. Dominicæ, anno M. C. XXXIII. Pontificatus domni Innocentij Papæ II. anno iii. |
INNOCENTIUS episcopus, servus servorum Dei, dilecto PETRO
Cluniacensi abbati, ejusque successoribus regulariter
substituendis, in perpetuum. Ignem venit Dominus mittere in terram,
et vult ut ardeat. Quia ergo gratuita Dei beneficia sacrum
Cluniacense collegium suæ visitationis gratia illustravit, ignem
in eo charitatis accendit, et discreta religionis humilitate
perfudit: æquissimi juris est, ut quod gratis accipit, fratribus
indigentibus devote
[ 166C ]
impendat, lapsos relevet, tepidos excitet, et
piæ religionis radios, et bene Deo placentis conversationis
odorem, diversas mundi illustrando provincias, longe lateque
transfundat: et sic amor et gloria divini cultus, quæ copiose, Deo
gratias, vigent in vite, per vestram administrationem Deo grata et
fecunda ubertate multiplicentur in propagine Monasterium ergo SS.
martyrum Facundi et Primitivi, quod in Hispaniarum partibus situm
est, et ad jus B. Petri constat specialiter pertinere, qui a
religionis nitore, et temporalium rerum opulentia, quibus pristinis
temporibus effloruerat, unde valde dolemus, peccatis exigentibus
excidit: nos, quorum præcipue interest in antiquum revocare,
illustris filii nostri Aldefonsi Hispaniarum regis vota clementius
admittentes, vetris postulationibus impertimur assensum. Igitur
[ 166D ]
locum ipsum cum suis omnibus pertinentiis tibi, dilecte in Domino
fili Petre abbas, tuisque successoribus, salvo nimirum B. Petri
censu annuo, et S. R. E. in omnibus debita justitia et reverentia,
ad reformationem religionis, et rerum temporalium incrementum, ex
apostolicæ sedis benignitate committimus. Vestra itaque,
charissimi filii, interest ut ope, et consilio, vestraque
instantia, religio in eodem monasterio reformetur, et tam in
interioribus quam in exterioribus locus ipse ad statum et
dignitatem pristinam auxiliante Domino reducatur. Ego Innocentius Catholicæ Ecclesiæ episcopus, subcripsi. [ 167A ] Ego Guillelmus Prænestinus episc. subscripsi. Ego Urbanus presb. card. tit. S. Clementis subscripsi. Ego Anselmus presb. card. subscripsi. Ego Lucas presb. card. tit. SS. Joannis et Pauli, subscripsi. Ego Guido diac. card. S. Mariæ in Via Lata subscripsi. Ego Oddo diac. card. S. Georgii ad Velum Aureum, subscripsi. Datum Bononiæ per manum Aymerici S. R. E. diac. card. et cancellarii, Id. Decemb., indict. X, Incarnationis Dominicæ anno 1132, pontificatus domini Innocentii papæ II anno III. |
| Bullarium Cluniacense | Index paginarum | Index chronologicus Privilegiorum | Quaestio | Explicatio |
E-Mail an das Projekt "Cluny" im Institut für Frühmittelalterforschung
|
KONTAKT
Institut für Frühmittelalterforschung
|
| |
|
© 2010 Institut für Frühmittelalterforschung | ||
