Textus
|
Paschalis II || 1107, Aug. 4 || Desiderium quod ad religionis | ||
|
PRIVILEGIUM PASCHALIS PAPÆ II. ad sanctum Hugonem, per quod beati Vulmari Monasterium statuit sub ordinatione Abbatum Cluniacensium perpetuo mansurum, quod idem de Menatensi Monasterio firmat. Vultque alieni Cœnobii Monachum quemlibet, qui pro melioratione vitæ Cluniacum expetierit licenter suscipi. |
Confirmatio S. Wlmari per domnum Paschalem II. Papam.
|
CCXXIX. Ad Hugonem abbatem
Cluniacensem. — Sancti Wlmari abbatiam illi subjicit corrigendam. Ejus
abbates in perpetuum ab abbatibus Cluniacensibus constituantur. Cuivis
monacho liceat ad Cluniacense cœnobium transire. |
|
PASCHALIS Episcopus, servus servorum Dei,
venerabili fratri Hugoni Cluniacensi Abbati, salutem & Apostolicam
benedictionem. Desiderium quod ad religiosum propositum & animarum
salutem pertinere monstratur, sine aliqua est authore Deo dilatione
complendum. Venerabilis siquidem frater noster Joannes Morinorum
Episcopus, petente Eustachio Bononiensi Comite, sancti Vulmari
Abbatiam sollicitudini tuæ, carissime frater Hugo, corrigendam, & in
perpetuum vel à te, vel à tuis successoribus ordinandam commisit. Et
nos ergo juxta ejus desiderium ac deliberationem præsentis decreti
assertione sancimus, ut idem beati Vulmari Monasterium semper in tua
tuorumque successorum ordinatione permaneat; nec alius illic Abbas
constituatur, nisi qui vestra fuerit deliberatione provisus. Idem
etiam de Menatensi Monasterio constituimus, quod jamdiu in vestra
ordinatione permansit. Præterea quoniam omnipotens Deus, & ante
nostra tempora & in diebus nostris præcipuam religionis Monasticæ
disciplinam in vestro dignatus est Monasterio conservare; hanc vobis
prærogativam concedimus, ut quisquis ad vos alieni Monasterij Monachus
pro vitæ melioratione transierit, licenter recipiatur, remotis prioris
loci querimoniis; ut largiente Domino salutis, quam quærere videtur
apud vos, potiatur effectu. Si quis verò temerario ausu his
salutiferis constitutionibus obviam ire præsumpserit, Apostolicæ
indignationis ultione plectatur, & communionis Ecclesiasticæ
periculum patiatur. Ego Paschalis Catholicæ Ecclesiæ Episcopus. Datum apud Aquam Bellam per manum Joannis S. R. Ecclesiæ Diaconi Cardinalis ac Bibliothecarii II. Nonas Augusti, indict. XV. anno M. C. VII. Pontificatus autem Domni Paschalis secundi Papæ, anno octavo. Bullata in plumbe Pensili cum filis sericis rubei & crocei Colorum non retortis. |
Paschalis Episcopus seruus seruorum Dei venerabili fratri Hvgoni
Cluniacensi Abbati salutem & Apostolicam benedictionem. Desiderium, quod ad
religiosum propositum, & animarum salutem pertinere monstratur, sine aliqua est,
auctore Deo, dilatione complēdum. Venerabilis siquidem frater noster Ioannes
Morinorum Episcopus, petente Eustachio Bononiensi Comite, S. Wlmari Abbatiam
sollicitudini tuæ, carissime frater Hvgo, corrigendam commisit. Et nos ergo
iuxta eius desiderium ac deliberationē præsentis Decreti assertione sancimus,
vt idem beati Wlmari Monasteriū, sēper in tua, tuorūq. successorum
ordinatione permaneat. Nec alius illic Abbas constituatur, nisi qui vestra fuerit
deliberatione prouisus. Idem etiam de Menatensi Monasterio constituimus, quod iam
diu in vestra ordinatione permansit. Præterea, quoniam omnipotens Deus, & ante
nostra tēpora, & in diebus nostris, præcipuam Religionis Monasticæ
disciplinam in vestro dignatus est Monasterio conseruare, hanc [ 541 ] vobis
prærogatiuam concedimus, vt quisquis ad vos alieni Monasterij Monachus pro vitæ
melioratione transierit, licenter recipiatur, remotis prioris loci querimoniis, vt,
largiente Domino, salutis, quam quærere videtur, apud vos potiatur effectu. Si quis
vero temerario ausu his salutiferis constitutionibus obuiam ire præsumpserit,
Apostolicæ indignationis vltione plectatur, & communionis Ecclesiasticæ
periculum patiatur.
Ego Paschalis Catholicæ Ecclesiæ Episcopus S. (Monogramme) [Rota - Bene valete] Datum apud Aquam-bellam per manum Ioānis S.R.E. Diaconi Cardinalis ac Bibliothecarij, II. Non. Aug. Indict. XV. Incarnat. Dominicæ anno MCVII. Pontificatus autem domni Paschalis Papæ secundi anno IX. |
PASCHALIS episcopus, servus servorum
Dei, venerabili
[ 226A ]
fratri HUGONI Cluniacensi abbati, salutem et
apostolicam benedictionem. Desiderium quod ad religiosum propositum et
animarum salutem pertinere monstratur, sine aliqua est, auctore Deo,
dilatione complendum. Venerabilis siquidem frater noster Joannes
Morinorum episcopus, petente Eustachio Bononiensi comite, Sancti
Wlmari abbatiam sollicitudini tuæ, charissime frater Hugo,
corrigendam commisit. Et nos ergo juxta ejus desiderium ac
deliberationem, præsentis decreti assertione sancimus, ut idem Beati
Wlmari monasterium, semper in tua tuorumque successorum ordinatione
permaneat; nec alius illic abbas substituatur nisi qui vestra fuerat
deliberatione provisus. Idem etiam de Menatensi monasterio
constituimus, quod jam diu
[ 226B ]
in vestra ordinatione permansit. Præterea
quoniam omnipotens Deus, et ante nostra tempora, et in diebus nostris,
præcipuam religionis monasticæ disciplinam in vestro dignatus est
monasterio conservare, hanc vobis prærogativam concedimus ut quisquis
ad vos alieni monasterii monachus pro vitæ melioratione transierit,
licenter recipiatur, remotis prioris loci querimoniis, ut, largiente
Domino, salutis quam quærere videtur apud vos potiatur effectu. Si
quis vero temerario ausu his salutiferis constitutionibus obviam ire
præsumpserit, apostolicæ indignationis ultione plectatur, et
communionis ecclesiasticæ periculum patiatur. Ego Paschalis, catholicæ Ecclesiæ episcopus, subscripsi. [ 226C ] Datum apud Aquambellam per manum Joannis, sanctæ Romanæ Ecclesiæ diaconi cardinalis ac bibliothecarii, II Nonas Augusti, indictione XV, Incarnationis Dominicæ anno 1107, pontificatus autem domni Paschalis papæ II anno IX. |
| Bullarium Cluniacense | Index paginarum | Index chronologicus Privilegiorum | Quaestio | Explicatio |
E-Mail an das Projekt "Cluny" im Institut für Frühmittelalterforschung
|
KONTAKT
Institut für Frühmittelalterforschung
|
| |
|
© 2010 Institut für Frühmittelalterforschung | ||
