Notum sit cunctis presentibus atque futuris, quod ego Girardus, Blaviensis princeps, pro salute animę meę patrisque mei Willelmi Freelandi aliorumque parentorum meorum, do atque concedo Cluniacensi ęcclesię in honore beatorum apostolorum Petri et Pauli constructę, ac venerabili domno meo Hugoni, Cluniacensium abbati, ipsiusque successoribus, omnia nervilia Aturricorum ad me pertinentia, quę michi apud Blaviam censualiter annuatim persolvuntur, ut ea ex integro colligant, atque in perpetuum possideant. Si quis autem heredum vel successorum meorum hoc donum cassare presumpserit, iram Dei incurrat, et gladio beati Petri multatus male direpta conpulsus restituat. Testes qui viderunt et audierunt: Helias de Didona, Helias prior Sancti Georgii, Geraldus monachus, Otbertus monachus. Signum Girardi.