Arma Cluniacensia  

  Bullarium sacri ordinis Cluniacensis
[Pierre Simon]

Institut für Frühmittelalterforschung   —   Universität Münster

  Arma Cluniacensia  
  Bullarium Cluniacense     Index paginarum    Index chronologicus Privilegiorum     Quaestio     Explicatio  

Textus

Celestin III     ||     1196, Aug. 8     ||     Non absque dolore

Bull. Clun. 96, 1

EPISTOLA CELESTINI PAPÆ III. ad Archiepiscopos, Episcopos, & alios Ecclesiarum Prælatos, ut eos, qui in fratres Cluniacenses violentas manus injecerint, aut eorum bona invaserint, si laici fuerint, excommunicent, à Sede Apostolica absolvendos: si clerici, ab officio & beneficio suspendant, &c.

CCLXXVII. Archiepiscopis, episcopis, abbatibus, decanis, aliisque ecclesiarum prælatis mandat, ut direptores et vexatores fratrum Cluniacensium laicos excommunicent, clericos a muneribus submoveant.
(Laterani, Aug. 8.)
[Bullar. Cluniac., 96.] [ 1181D ]

CELESTINUS Episcopus, servus servorum Dei, venerabilibus fratribus Archiepiscopis, Episcopis, & dilectis filiis Abbatibus, Decanis, aliisque Ecclesiarum Prælatis, ad quos litteræ istæ pervenerint, salutem & Apostolicam benedictionem. Non absque [ 96/2 ] dolore cordis & plurima turbatione didicimus, quod ita in plerisque partibus Ecclesiastica censura dissolvitur, & canonicæ sententiæ severitas enervatur, ut viri religiosi, & hi maximè qui per Sedis Apostolicæ privilegia majori donati sunt libertate, passim à malefactoribus suis injurias sustineant & rapinas, dum vix invenitur qui congrua eis protectione subveniat, & pro fovenda pauperum innocentia murum defensionis opponat. Specialiter autem, dilecti filii nostri fratres Cluniacenses, tam de frequentibus injuriis suis, quàm de ipso quotidiano defectu justitiæ conquerentes, universitatem vestram per litteras petierunt Apostolicas excitari, ut ita videlicet eis in tribulationibus suis contra malefactores eorum prompta debeatis magnanimitate consurgere, quod ab angustiis, quas sustinent, & pressuris nostro possint præsidio respirare. Ideóque universitati vestræ per Apostolica scripta districtè mandamus, quatinus illos, qui in aliquem de fratribus ipsis, vel conversis instigante diabolo manus violentas injecerint, vel res, seu domos eorum, vel hominum suorum irreverenter invaserint, vel decimas laborum seu nutrimentorum suorum spretis privilegiis Apostolicæ Sedis extorserint, aut ea, quæ prædictis fratribus ex testamento decedentium relinquentur, contra justitiam retinuerint, si laïci fuerint, eos candelis accensis sublata appellatione excommunicationis sententia percellatis: clericos autem appellatione remota ab officio & beneficio suspendatis, neutram relaxaturi sententiam, donec prædictis fratribus satisfaciant plenariè, & hi præcipuè, qui pro violenta manuum injectione vinculo fuerint anathematis innodati, cum Diœcesani Episcopi litteris ad Sedem Apostolicam venientes, ab eodem vinculo mereantur absolvi. Villas autem, in quibus bona prædictorum fratrum, seu hominum suorum per violentiam detenta fuerint, quamdiu sunt ibi interdicti sententiæ supponatis.
Datum Laterani VI. Idus Augusti. Pontificatus nostri, anno sexto.
CŒLESTINUS episcopus, servus servorum Dei, venerabilibus fratribus archiepiscopis, episcopis et dilectis filiis abbatibus, decanis, aliisque ecclesiarum prælatis ad quos litteræ istæ pervenerint, salutem et apostolicam benedictionem.
Non absque dolore cordis et plurima turbatione didicimus, quod ita in plerisque partibus ecclesiastica censura dissolvitur, et canonicæ sententiæ severitas enervatur, ut viri religiosi et hi maxime qui per sedis apostolicæ privilegia majori donati sunt libertate, passim a malefactoribus suis injuriam sustineant et rapinas, dum vix invenitur qui congrua eis protectione subveniat, et pro fovenda pauperum innocentia murum defensionis opponat. [ 1182A ] Specialiter autem dilecti filii nostri fratres Cluniacenses, tam de frequentibus injuriis suis, quam de ipso quotidiano defectu justitiæ conquerentes, universitatem vestram per litteras petierunt apostolicas excitari, ut ita videlicet eis in tribulationibus suis contra malefactores eorum prompta debeatis magnanimitate consurgere, quod ab angustiis quas sustinent, et pressuris nostro possint præsidio respirare.
Ideoque universitati vestræ per apostolica scripta districte mandamus, quatenus illos qui in aliquem de fratribus ipsis, vel conversis instigante diabolo manus violentas injecerint, vel res seu domos eorum, vel hominum suorum irreverenter invaserint, vel decimas laborum seu nutrimentorum suorum spretis [ 1182B ] privilegiis apostolicæ sedis extorserint, aut ea, quæ prædictis fratribus ex testamento decedentium relinquentur, contra justitiam detinuerint, si laici fuerint, eos candelis accensis, sublata appellatione excommunicationis sententia percellatis; clericos autem appellatione remota ab officio et beneficio suspendatis, neutram relaxaturi sententiam, donec prædictis fratribus satisfaciant plenarie, et hi præcipue qui pro violenta manuum injectione vinculo fuerint anathematis innodati, cum diœcesani episcopi litteris ad sedem apostolicam venientes, ab eodem vinculo mereantur absolvi. Villas autem, in quibus bona prædictorum fratrum, seu hominum suorum per violentiam detenta fuerint, quandiu sunt ibi interdicti sententiæ supponatis. [ 1182C ]
Datum Laterani, VI Idus Augusti, pontificatus nostri anno sexto.
  Bullarium Cluniacense     Index paginarum    Index chronologicus Privilegiorum     Quaestio     Explicatio  

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung