Textus
|
PRIVILEGIUM URBANI PAPÆ III. quod Cluniacenses non solvant procurationes Prælatis, quando non accedunt ad eorum Ecclesias. |
XXIX. Decernit, «ne aliqui prælati a prioratibus monasterii
Cluniacensis extra eos procurationes exigere præsumant.»
|
|
URBANUS Episcopus servus servorum Dei, dilectis filiis
Abbati & Conventui Clun. Salutem & Apostolicam Benedictionem. Quantò
Monasterium vestrum majori dudum Religione floruit, & plures exemplo
vestro Creatoris se obsequio manciparunt; tantò vos & Monasterium
vestrum arctiori debemus charitate diligere, & à quorumlibet
gravamine propensius defensare. Sicut autem ex parte vestra nostris
est auribus nunciatum, quidam Ecclesiarum Prælati, qui ex consuetudine
debent à vestris Prioratibus procurari, sæpe, licet ad Prioratus ipsos
nequaquam accedant, exterius in quibusdamque villulis procurationes
sibi exigunt exhiberi, cum hoc facere minimè consueverint, & sine
gravioribus expensis eorum super hoc non possit satisfieri voluntati.
Vnde nos gravamini vestro in hac parte providere volentes, præsentis
scripti pagina duximus inhibendum, ne aliqui Prælati à Prioratibus
vestris malitiosè, contra antiquam consuetudinem extra eos
procurationes exigere, aut extorquere præsumant. Nulli ergo omninò
hominum liceat hanc paginam nostræ inhibitionis infringere, vel ei
ausu temerario contraire. Si quis autem hoc attentare præsumpserit,
indignationem omnipotentis Dei, & beatorum Petri & Pauli Apostolorum
ejus se noverit incursurum. Datum Veronæ VIII. Kal. Aprilis. |
Urbanus episcopus,
servus servorum Dei, dilectis filiis abbati et conventui Clun.,
salutem et apostolicam benedictionem. Quanto monasterium vestrum majori dudum religione floruit, et plures exemplo vestro Creatoris [ 1379C ] se obsequio manciparunt, tanto vos et monasterium vestrum arctiori debemus charitate diligere, et a quorumlibet gravamine propensius defensare. Sicut autem ex parte vestra nostris est auribus nuntiatum, quidam Ecclesiarum prælati, qui ex consuetudine debent a vestris prioratibus procurari, sæpe, licet ad prioratus ipsos nequaquam accedant, exterius in quibusdam villulis procurationes sibi exigunt exhiberi, cum hoc facere minime consueverint, et sine gravioribus expensis eorum super hoc non possit satisfieri voluntati. Unde nos gravamini vestro in hac parte providere volentes, præsentis scripti pagina duximus inhibendum, ne aliqui prælati a prioratibus vestris malitiose, contra [ 1379D ] antiquam consuetudinem extra eos procurationes exigere, aut extorquere præsumant. Nulli ergo omnino hominum liceat hanc paginam nostræ inhibitionis infringere, vel ei ausu temerario contraire. Si quis autem hoc attentare præsumpserit, indignationem omnipotentis Dei, et beatorum Petri et Pauli apostolorum ejus se noverit incursurum. Datum Veronæ, VIII Kal. Aprilis. |
| Bullarium Cluniacense | Index paginarum | Index chronologicus Privilegiorum | Quaestio | Explicatio |
E-Mail an das Projekt "Cluny" im Institut für Frühmittelalterforschung
|
KONTAKT
Institut für Frühmittelalterforschung
|
| |
|
© 2010 Institut für Frühmittelalterforschung | ||
