Textus
|
Alexander III || 1178, Apr. 17 || Quanto specialius ecclesia | ||
|
PRIVILEGIUM ALEXANDRI PAPÆ III. ad Guillelmum Abb. & Capitulum Clun. quo confirmat omnia Monasterij Clun. & inter cætera donationem Ecclesiarum seu Prioratuum B. Mariæ de Nazara & SS. Trinitatis de Zentona, per Aldephonsum Regem Hispaniarum factam Clun. Monasterio. |
(ex Cart. E)
Confirmatio beatę Marię de Nazara, & sanctę Trinitatis de Lentona.
|
MCCCXLII. Monasterii Cluniacensis protectionem suscipit ac
possessiones confirmat |
|
ALEXANDER Episcopus servus servorum Dei, dilectis filiis
Abbati & Capitulo Cluniac. Ecclesiæ, tam præsentibus, quàm futuris
Regularem vitam professis in perpetuum. Quantò specialius Ecclesia
vestra nobis est nullo mediante subjecta, tanto propensius ejus juri
providere compellimur, ne super his, quæ rationabiliter noscitur
possidere, processu temporis indebita molestatione gravetur.
Eapropter, dilecti in Domino filii, vestris justis postulationibus
clementer annuimus, & Ecclesiam vestram, in qua estis divino obsequio
mancipati, sub B. Petri & nostra protectione suscipimus, & præsentis
scripti privilegio communimus. Statuentes ut quascumque possessiones,
quæcumque
[ 74/2 ]
bona eadem Ecclesia in præsentiarum justè & canonicè
possidet, aut in futurum concessione Pontificum, largitione Regum vel
Principum, oblatione fidelium, seu aliis justis modis, præstante
Domino poterit adipisci, firma vobis vestrisque successoribus, &
illibata permaneant. Præterea Prioratum sanctæ Mariæ de Nazara, cum
omnibus pertinentiis suis; & Prioratum sanctæ Trinitatis de Lentona,
cum omnibus pertinentiis suis, sicut eosdem Prioratus Ecclesia vestra
Canonicè possidet, & de donatione prædicti Prioratus S. Mariæ in
scripto authentico continetur, vobis & eidem Ecclesiæ auctoritate
Apostolica confirmamus. Decernimus ergo ut nulli omninò hominum liceat
præfatam Ecclesiam temerè perturbare, aut ejus possessiones auferre,
vel ablatas retinere, minuere, aut quibuslibet vexationibus fatigare;
sed omnia integra conserventur eorum, pro quorum gubernatione &
sustentatione concessa sunt, usibus omnimodis profutura, salva
Apostolicæ sedis auctoritate. Si qua igitur in futurum Ecclesiastica,
sæcularisve persona hanc nostræ constitutionis paginam sciens, contra
eam temerè venire tentaverit, secundò, tertióve commonita, si non
satisfactione congrua emendaverit, potestatis honorisque sui careat
dignitate, reamque se divino judicio existere de perpetrata iniquitate
cognoscat, & à sacratissimo corpore & sanguine Dei & Domini
Redemptoris nostri Jesu Christi aliena fiat, atque in extremo examine
divinæ ultioni subjaceat. Cunctis autem eidem loco sua jura
servantibus sit pax Domini nostri Jesu Christi, quatinus & hic
fructum bonæ actionis percipiant, & apud districtum judicem præmia
æternæ pacis inveniant. Amen. Amen. Amen. Ego Alexander Catholicæ Ecclesiæ Episcopus. Ego Hubaldus Hostiensis Episcopus. Ego Joannes Presbyter Card. SS. Joannis & Pauli tit. Pammachii. Ego Bozo Presb. Card. S. Pudentianæ tit. Pastoris. Ego Petrus Presbyter Card. tit. S. Susannæ. Ego Vivianus Presbyter Card. tit. sancti Stephani in Celio monte. Ego Jacobus Diaconus Card. S. Mariæ in Cosmedin. Ego Ardicio Diaconus Cardinalis S. Theoderici. Ego Cincius Diaconus Cardinalis S. Adriani. Ego Laborans Diaconus Card. S. Mariæ in Porticu. Ego Rainerius Diaconus Card. S. Georgii ad velum aureum. Datum Laterani per manum Alberti S. R. E. Presbyteri Cardinalis & Cancellarii XV. Kalendas Maii, Indict. XI. Incarnat. Dominicæ anno M. C. LXVIII. Pontificatus verò Domni Alexandri Papæ III. ann. XIX. |
Alexander Episcopus seruus seruorum, &c. Quanto specialius Ecclesia vestra
nobis est nullo mediante subiecta, tanto propensius eius iuri prouidere compellimur,
ne super his, quę rationabiliter noscitur possidere, processu temporis indebita
molestatione grauetur. Eapropter, dilecti in Domino filij, vestris postulationibus
iustis clementer annuimus, & Ecclesiam vestram, in qua estis diuino obsequio
mancipati, sub beati Petri & nostra protectione suscipimus, & pręsentis
scripti priuilegio communimus. Statuentes, vt quascumque possessiones, quęcumque
bona eadem Ecclesia in pręsentiarum iuste & canonice [ 1437 ] possidet, aut
in futurum concessione Pontificum, largitione Regum vel Principum, oblatione
fidelium, seu aliis iustis modis, pręstante Domino poterit adipisci, firma vobis
vestrisq. successorib. & illibata permaneant. Pręterea Prioratum sanctę Marię de
Nazara cum omnib. pertinentiis suis, & Prioratū S. Trinitatis de Lentona,
cū omnib. pertinentiis suis, sicut eosdē Prioratus Ecclesia vestra
canonice possidet, & de donatione prędicti Prioratus sanctę Marię in scripto
authentico continetur, vobis & eidem Ecclesię auctoritate Apostolica
confirmamus. Decernimus ergo, vt nulli omnino hominum liceat pręfatam Ecclesiam
temere perturbare, aut eius possessiones auferre, vel ablatas retinere, minuere, aut
quibuslibet vexationibus fatigare, sed omnia integra conseruentur eorum, pro quorum
gubernatione & sustentatione concessa sunt, vsibus omnimodis profutura, salua
Apostolicę Sedis auctoritate. Si qua igitur in futurum Ecclesiastica sęcularisue
persona hanc nostrę constitutionis paginam sciens, contra eam temere venire
tentauerit, secundo tertioue commonita, si non satisfactione congrua emendauerit,
potestatis honorisque sui careat dignitate, reamque se diuino iudicio existere de
perpetrata iniquitate cognoscat, & a sacratissimo corpore & sanguine Dei,
& Domini Redemptoris nostri Iesu Christi aliena fiat, atque in extremo examine
diuinę vltioni subiaceat. Cunctis autem eidem loco [ 1438 ] sua iura seruantibus
sit pax Domini nostri Iesu Christi, quatinus & hic fructum bonę actionis
percipiant, & apud districtum Iudicem pręmia ęternę pacis inueniant, Amen.
Ego Alexander Catholicę Ecclesię Episcopus ff. Ego Hubaldus Hostiensis Episcopus ff. Ego Ioannes Presbyter Cardinalis SS. Ioannis & Pauli tit. Pas. ff. Ego Bozo Presbyter Cardinalis S. Pudentianę tit. Pastoris ff. Ego Petrus Presbyter Card. tit. S. Susannę ff. Ego Viuianus Presbyter Cardinalis tit. S. Stephani in Clio monte ff. Ego Iacobus Diaconus Cardinalis S. Marię in Cosmidin ff. Ego Ardicio Diaconus Cardinalis S. Theoderici ff. Ego Cincius Diaconus Cardinalis S. Adriani ff. Ego Laborans Diaconus Cardin. S. Marię in Porticu ff. Ego Rainerius Diaconus Card. S. Georgij ad velum aureum ff. Datum Laterani per manum Alberti S. R. E. Presbyteri Cardinalis & Cancellarij xv. Kalend. Mar. Indict. xi. Incarnat. Domini anno M. C. LXXVIII. Pontificatus vero domni Alexandri Papę III. anno xviiii. |
ALEXANDER episcopus, servus servorum, etc. Quanto specialius Ecclesia vestra nobis est nullo mediante subjecta, tanto propensius ejus juri providere compellimur, ne super his quæ rationabiliter noscitur possidere, processu temporis indebita molestatione gravetur. Eapropter, dilecti in Domino filii, vestris postulationibus justis clementer annuimus, et ecclesiam vestram, in qua estis divino obsequio mancipati, sub beati Petri et nostra protectione suscipimus et præsentis scripti privilegio communimus; statuentes ut quascunque possessiones, quæcunque bona eadem Ecclesia in præsentiarum juste et canonice possidet, aut in futurum concessione pontificum, largitione regum vel principum, [ 1166D ] oblatione fidelium, seu aliis justis modis, præstante Domino poterit adipisci, firma vobis vestrisque successoribus et illibata permaneant. Præterea prioratum Sanctæ Mariæ de Nazara cum omnibus pertinentiis suis, et prioratum S. Trinitatis de Lentona, cum omnibus pertinentiis suis, sicut eosdem prioratus Ecclesia vestra canonice possidet, et de donatione prædicti prioratus Sanctæ Mariæ in scripto authentico continetur, vobis et eidem Ecclesiæ auctoritate apostolica confirmamus. Decernimus ergo, etc. Ego Alexander catholicæ Ecclesiæ episcopus. Ego Hubaldus Ostiensis episcopus. Ego Joannes presbyter cardinalis SS. Joannis et Pauli tit. Pas. [ 1167A ] Ego Bozo presbyter cardinalis S. Pudentianæ tit. Pastoris. Ego Petrus presbyter cardinalis tit. S. Susannæ. Ego Vivianus presbyter cardinalis tit. S. Stephani in Cœlio monte. Ego Jacobus diaconus cardinalis S. Mariæ in Cosmidin. Ego Ardicio diaconus cardinalis S. Theoderici. Ego Cincius diaconus cardinalis S. Adriani. Ego Laborans diaconus cardinalis S. Mariæ in Porticu. Ego Rainerius diaconus cardinalis S. Georgii ad Velum Aureum. Datum Laterani, per manum Alberti S. R. E. [ 1167B ] presbyteri cardinalis et cancellarii, XV Kal. Mai, indict. XI, Incarnat. Domini anno 1178, pontificatus vero domni Alexandri papæ III anno XIX. |
| Bullarium Cluniacense | Index paginarum | Index chronologicus Privilegiorum | Quaestio | Explicatio |
E-Mail an das Projekt "Cluny" im Institut für Frühmittelalterforschung
|
KONTAKT
Institut für Frühmittelalterforschung
|
| |
|
© 2010 Institut für Frühmittelalterforschung | ||
